Gaur, 2022ko proiektu nabarmenetako bat erakutsiko dizuegu, non zeramika hobekien erabili den. Ezin bestela izan, Ricardo Vea barne-diseinatzailearen lana da, eta haren helburua zen Donostiako Ospitaleen eremuan kokatutako etxe hau eraikuntzako azken joerak dituen etxebizitza bihurtzea.
Irtenbide jasangarriak
Plaka fotoviltaikoak, ur bidezko zoru erradiatzaileak, airea berritzeko sistemak, LED argiztapena, isolamendu termikoa eta sistema adimendunak, hala nola termostatoa eta argiztapena, instalatu ziren. Hori guztia domotika-sistema baten bidez kudeatzen da, zeinak erosotasuna ematen duen eta etxebizitzako baliabideen kudeaketa optimizatzen duen.
Materialen hautua
Zeramika izan da material nagusietako bat, eta etxebizitzak behar zuen dotorezia eta sofistikazio ukitu hori ematen lagundu du.
Zoruak estaltzeko Avispa fabrikatzailearen formatu handiko (1200×1200) pieza arteztuak erabili ziren, marmol zurizko akaberadunak. 4 bainugeletarako honako hauek hautatu ziren:
Beheko solairuko bainugela: Marazzi markako Magnifica Calacatta Gold 1.80*60 modeloa
Kortesia bainugela: Marazziren Palazzo Calacatta 1.20*0.40 sorta
Korridoreko bainugela: Avispa markako Bella Bianco modeloa, 1,00*1.00 tamainakoa, eta dutxan Marazziren Marble Look Saint Laurent Lux 1.20*2.78 sortako pareta bat
Bainugela nagusia: Marble Look Brera Grey 1.60*3.20, Marazzirena ere
Sarrerako atean Incerco-ren Top 120 modeloa jarri zen, zeina ezin hobeki integratzen zen fatxadako zeramikarekin; fatxadan ere formatu handiko piezak erabili ziren, Coverlan markakoak, eta, horrela, harmonia perfektua lortu zen etxe osoan.
Ricardo Vea estudioak baliabide klimatiko eta energetikoak aprobetxatzen jakin zuen etxebizitza eraginkorra lortzeko, non egoiliarren erosotasuna modu naturalean handitu zen, eta hori guztia estetika bikainarekin. Adibide honek argi erakusten du nola posible izan den duela 20 urte baino gehiagoko etxe bat ingurumenarekiko errespetuzko etxe moderno bihurtzea, irtenbide jasangarri desberdinak eta materialen haurtu arduratsua bateratuz.
Ricardo Vearen proiektu gehiago ikus ditzakezu bere Instagramen.